Beafeart
€ 16,90
In Fryske sjoernalist ûndernimt in beafeart nei Saint-Martin. Yn de oarlochsjierren hat er, as finzene fan de Dútskers, yn it konsintraasjekamp fan Troyes sitten. Mei help fan de Maquis, de Frânske ûndergrûnske, koe er flechtsje. Heal as ûnderdûker, heal as partisaan hat er de lêste moannen foar de befrijing tahâlden op it lytse boerespultsje Ferme la Vacherie op it Frânske plattelân.
Dêr hat er kunde krigen oan Krysta, de jongfaam dêr’t er mear fan hâlden hat as fan de Fryske frou dêr’t er letter mei troud is. Mar it is net allinne om Krysta – yntusken ek al lang troud – nochris wer te moetsjen dat er krapoan tweintich jier letter syn beafeart oangiet. It is foaral ek om ferantwurding ôf te lizzen oer neambere en ûnneambere skuld dêr’t er sûnt dy tiid altyd mei ompakt hat.
Beafeart nei Saint-Martin is in werútjefte fan de tredde Fryske roman fan Rink van der Velde (1932-2001).
Gerelateerde boeken
-
Underweis
€ 17,50Underweis komme jo de moaiste ferhalen tsjin, wit Bonne Speerstra nei in libben as feekeapman en fertsjintwurdiger. Yn dit boek beskriuwt er de meast bysûndere ferhalen, humoristyske foarfallen en oangripende moetings.
Tagelyk fertelt er de famyljeskiednis fan de Speerstra’s en dêrmei ek de ûntjouwing fan it boerelibben yn Fryslân.
Yn Underweis jout Speerstra mei in myld each en gefoel foar humor stal oan de ferhalen fan en oer it plattelân. -
-
Harm van der Meer fertelt
€ 17,50It libben fan dirigint, muzykmaster en minskeman Harm van der Meer (Bantegea, 1940) spile him ôf tusken de skoallen, koaren en orkesten, tusken jonge en âlde minsken, yn doarp en stêd, en yn it iepen fjild. De minsken en de muzyk joegen him genôch stof om in tal ûnferjitlike ferhalen en anekdoates op te skriuwen, dy’t yn dizze bondel sammele binne.
Yn de wurden fan Hylke Speerstra: ‘Optredens mei Harm van der Meer as ynspirator op de bok hiene faak bysûndere mominten. Der kamen mominten dat de wurdearring it applaus foarby gie. Dan foel der yn in grutte katedraal allinne mar in stilte, kearde Harm him nei de tahearders, seach harren yn de wiete eagen en sei er: “Jim hawwe it begrepen.” Syn rispinge kin ryk neamd wurde. Gelokkich hat er dêr, yn beskiedenheid mar mei gefoel foar anekdotyk, in kostber dokumint oer skreaun. Dêryn blykt er ek noch in master-ferteller te wêzen.’
De sfearfolle swart-wytfoto’s fan Henny van den Berg meitsje it ferhaal kompleet: in portret fan in markante man mei in kleurryk libben. -
De oogst van omgekapte bomen
€ 14,90Alain Holtkamp is getraumatiseerd teruggekomen uit Noord-Afghanistan. Jarenlang heeft hij zich goed weten te houden, maar als in 2021 de Talibanstrijders Kabul binnentrekken, knapt er iets in hem. Hij mishandelt zijn levenspartner en wordt veroordeeld tot vier jaar gevangenisstraf en tbs. In de ‘crypte’ van zijn isoleercel schrijft hij brieven aan ‘de sjamaan’, waarin hij filosofeert over het ongenadige karakter van de waarheid. Hij put troost uit de gedichten van een Afghaanse vrouw, die hij op wonderbaarlijke wijze in zijn cel ontvangt. Als zijn zus hem de waarheid over zijn vader vertelt, wordt het hem te veel.
Een actuele en filosofische vertelling over de impact van (oorlogs)geweld, over het kwaad dat altijd meelift met het goede en over het laatste redmiddel om staande te blijven in een liefdeloze waarheid: de psychotische verbeelding.
Okke Wisse was jarenlang algemeen geestelijk verzorger in de Van der Hoevenkliniek te Utrecht. Tegenwoordig is hij counselor en docent aan de Utrechtse Academie voor Geesteswetenschappen. Eerder verscheen van hem Filosoferen in de tbs.
