De Fûke
€ 15,00
Yn it reid en de dize fan de Tsjûkemar hâldt in fisker him leaver bûten alles: hy wol fiskje en mei syn húshâlding rêde. Mar de Twadde Wrâldoarloch lit him net gewurde. As in motorfyts yn ’e moarnsskimer oer de reed oankomt, folget in razzia dy’t alles op ’e kop set.
Mei ûnderdûkers yn ’e buert, in joads fanke yn ’e hûs en in soan dy’t syn eigen paad giet, wrakselet de fisker mei plicht en ynstinkt. Yn it ferhoar, achter tichte doarren en ûnder it each fan mannen dy’t alles al lykje te witten, wurdt elke fraach in strûp: wat wit er, wat wol er witte, en wat hat in minske der foar oer om ‘derbûten’ te bliuwen?
De Fûke is in klassiker yn it wurk fan Rink van der Velde (1932-2001). It is in roman dy’t sjen lit hoe’t in ienfâldich libben oan ’e wetterkant ynienen feroaret yn in striid tusken libben en dea en jo as lêzer by de strôte pakt.
Gerelateerde boeken
-
Beafeart
€ 16,90In Fryske sjoernalist ûndernimt in beafeart nei Saint-Martin. Yn de oarlochsjierren hat er, as finzene fan de Dútskers, yn it konsintraasjekamp fan Troyes sitten. Mei help fan de Maquis, de Frânske ûndergrûnske, koe er flechtsje. Heal as ûnderdûker, heal as partisaan hat er de lêste moannen foar de befrijing tahâlden op it lytse boerespultsje Ferme la Vacherie op it Frânske plattelân.
Dêr hat er kunde krigen oan Krysta, de jongfaam dêr’t er mear fan hâlden hat as fan de Fryske frou dêr’t er letter mei troud is. Mar it is net allinne om Krysta – yntusken ek al lang troud – nochris wer te moetsjen dat er krapoan tweintich jier letter syn beafeart oangiet. It is foaral ek om ferantwurding ôf te lizzen oer neambere en ûnneambere skuld dêr’t er sûnt dy tiid altyd mei ompakt hat.
Beafeart nei Saint-Martin is in werútjefte fan de tredde Fryske roman fan Rink van der Velde (1932-2001).
-
Monuminteman
€ 17,90As Fryslân fan de iene dei op de oare selsstannich wurdt, krijt de haadpersoan fan dit boek in wichtige taak. Hy wurdt de monuminteman.
Hy moat foar it regear in plan meitsje foar stânbylden fan Fryske helden en sa in passende skiednis betinke foar it nije lân.
Mar wa is it wurdich om in byld fan te meitsjen? En wêrom?Monuminteman is it romandebút fan toanielskriuwer Bouke Oldenhof. It is in humoristyske fantasij, in spannend en in oangripend ferhaal oer identiteit en fergonklikheid yn ien.
-
Underweis
€ 17,50Underweis komme jo de moaiste ferhalen tsjin, wit Bonne Speerstra nei in libben as feekeapman en fertsjintwurdiger. Yn dit boek beskriuwt er de meast bysûndere ferhalen, humoristyske foarfallen en oangripende moetings.
Tagelyk fertelt er de famyljeskiednis fan de Speerstra’s en dêrmei ek de ûntjouwing fan it boerelibben yn Fryslân.
Yn Underweis jout Speerstra mei in myld each en gefoel foar humor stal oan de ferhalen fan en oer it plattelân.
